1238 год. Первые мигранты из Средней Азии прибыли во Владимир-на-Клязьме
1238 год. Первые мигранты из Средней Азии прибыли во Владимир-на-Клязьме
"Татарове же шедше взяша Суздаль, и приидоша къ Володимеру, въ пятокь преже мясопуста. Во утрии же, въ суботу мясопустную, февраля 7, на память святаго отца Парфениа, начаша татарове полки рядити, въ нощи той градъ весь тыномъ отыниша. Въ утри же видивше князи Всеволодъ и Мьстиславъ и владыка Митрофань, яко уже граду ихъ взяту быти, ни надяхуся не откудо же помощи, и вниидоша вси въ церковь святыа Богородица, и начаша каятися грховь своихь. И елици отъ нихъ хотяху вь аггелскый образъ, постриже ихь всхъ владыка Митрофанъ: князей, и княгиню Юриеву, и дочерь, и сноху, и добрыа мужи и жены. А татарове начаша пороки рядити, и къ граду приступиша, и выбывше стну градную, наметавше въ ровъ сырого лса, и тако по примету вниидоша въ градъ, тако же и отъ Лебеди вниидоша въ Ориныни ворота, и отъ Клязмы въ Мдяные ворота и Волжские ворота, и тако взяша градъ и огнемъ запалиша. Увидвше же князи, и владыка, и княгыны, яко зажжень бысть градъ, а людие уже огнемъ скончаются, а инии мечемъ, и бжаша князи въ Средний градъ. А владыка, и княгыни съ снохами, и съ дочерью, княжною Феодорою, и съ внучаты, иныи княгыни, и боярыни, и люди мнози въбгоша в церковь святыа Богородица и затворишася на полатехъ. А татарове и тотъ градъ взяша, и у церкви двери изскше, и много древиа наволочиша, и около церкви обволочивше древиемъ, и тако запалиша. И вси сущии тамо издъхошася, и тако предаша душа своа въ руц Господеви; а прочиихъ князей и людей оружиемъ избыша".
Из Тверской летописи
